October 01, 2019
China International Import Expo 2019 ကို တရုတ်နိုင်ငံ၊ ရှန်ဟိုင်းမြို့တွင် မကြာမှီကျင်းပမည်
China International Import Expo 2019 ကို တရုတ်နိုင်ငံ၊ ရှန်ဟိုင်းမြို့ရှိ Shanghai National Exhibition and Convention Center တွင် နိုဝင်ဘာလ (၅)ရက်နေ့မှ (၁၀)ရက်နေ့အထိ ဒုတိယအကြိမ် ကျင်းပပြုလုပ် မည်ဖြစ်သည်။
China International Import Expo 2018 ကိုယမန်နှစ်က အောင်မြင်စွာ ကျင်းပပြုလုပ်ခဲ့ပြီးမြန်မာနိုင်ငံ အပါအဝင် နိုင်ငံပေါင်း ၁၇၂ နိုင်ငံမှ လုပ်ငန်းရှင် ၃၆၀၀ ကျော်ပါဝင်ပြသခဲ့ကြသည်။ ယခုနှစ် ကုန်စည်ပြပွဲတွင် နိုင်ငံပေါင်း ၁၅၀ မှ လုပ်ငန်းရှင်များပါဝင်ပြသမည်ဖြစ်ပြီး နိုင်ငံပေါင်း (၆၀)ကျော်မှလည်း နိုင်ငံကိုယ်စားပြု ပြခန်းများ ပါဝင်ပြသကြမည်ဖြစ်သည်။
အဆိုပါပြပွဲတွင် မြန်မာနိုင်ငံမှ နိုင်ငံကိုယ်စားပြု ပြခန်းတွင် မြန်မာ့လ္ဘက်ယဉ်ကျေးမှု၊ ဈေးကွက်ဝင် ကော်ဖီနှင့် ပို့ကုန်အလားအလာရှိသည့် ကုန်ပစ္စည်းများခင်ကျင်းပြသခြင်း၊ ကုန်ပစ္စည်းမိတ်ဆက် ဆွေးနွေးပွဲ နှင့် ယဉ်ကျေးမှုအကပဒေသာများဖြင့် ဖျော်ဖြေတင်ဆက်သွားမည်ဖြစ်ကြောင်းသတင်းရရှိပါသည်။
