စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့နှင့် Winrock International တို့ Partnership on Value Chain for Rural Development Project လက်မှတ်ရေးထိုး

 

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့နှင့် Winrock International တို့ Partnership on Value Chain for Rural Development Project လက်မှတ်ရေးထိုးပွဲကို ၂၀၁၉ခုနှစ်၊ စက်တင်ဘာလ(၂)ရက်နေ့ ၁၂:၀၀ နာရီအချိန်တွင် ရန်ကုန်မြို့ရှိ မြန်မာအပြည်ပြည်ဆိုင်ရာကုန်သွယ်မှုဗဟိုဌာန(MITC)၌ကျင်းပရာ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ အမြဲတမ်းအတွင်းဝန်/မြန်မာကုန်သွယ်မှုမြှင့်တင်ရေးအဖွဲ့ညွှန်ကြားရေးမှူးချုပ် ဦးအောင်စိုး၊ ဒုတိယညွှန်ကြားရေးမှူးချုပ် ဒေါ်နော်မူတာကပေါ၊ Winrock International မှ Chief of Partly Mr. Nimish နှင့် တာဝန်ရှိသူများတက်ရောက်ကြပါသည်။

       အစီအစဉ်အရ အမြဲတမ်းအတွင်းဝန်ဦးအောင်စိုးနှင့် Chief Of Party Mr. Nimish တို့က အသီးသီး နှုတ်ခွန်းဆက် စကားပြောကြားကြပြီး ပူးပေါင်းဆောင်ရွက်မှုဆိုင်ရာ သဘောတူညီချက်ကို လက်မှတ်ရေးထိုးလဲလှည်ကြပါသည်။

       အဆိုပါ သဘောတူညီချက်အရ မြန်မာကုန်သွယ်မှုမြှင့်တင်ရေးအဖွဲ့သည် Winrock International နှင့်ပူးပေါင်း၍ National Export Strategy တွင်ပါဝင်သည့် လယ်ယာထွက်ကုန်များအတွက် ပေါ်လစီကဏ္ဍ၊ ကုန်သွယ်မှုမြှင့်တင်ကဏ္ဍ၊ ကုန်သွယ်မှုဖွံ့ဖြိုးတိုးတက်ရေးသင်တန်းများကို စက်တင်ဘာလမှစ၍ ဆောင်ရွက်နိုင်တော့မည်ဖြစ်ပြီး နေ့လည် ၁ နာရီမှ ၃ နာရီအထိ Sharing Session on US FDA Registration for Export to US ဆွေးနွေးပွဲကို ဆပ်လက်ကျင်းပခဲ့ကြောင်း သတင်းရရှိပါသည်။
 MITC News