September 07, 2020
အာဆီယံ-ကိုရီးယားစင်တာသည် Maekyung Media Group နှင့် ပူးပေါင်း၍ ASEAN Entrepreneur Award ကို ၂၀၁၆ ခုနှစ်မှ စတင်ကာ ASEAN ဒေသတွင်းရှိထူးခွန် ထက်မြက်သော စီးပွားရေးလုပ်ငန်းရှင်များကို ပေးအပ်ချီးမြှင့် လျက်ရှိရာ ၂၀၂၀ ပြည့်နှစ်၊ စက်တင်ဘာလ အတွင်း ကျင်းပမည့် 21st World Knowledge Forum ၌ Regional Champion ၊ Entrepreneurs 4.0 ၊ Empowering Women ၊ Up-and –coming Startups နှင့် Scale-ups The Next unicorns ကဏ္ဍ(၅)ခုတွင် မြန်မာနိုင်ငံအနေဖြင့် ပါဝင်ရန် အာဆီယံ-ကိုရီးယားစင်တာမှ ဖိတ်ကြားခဲ့ပါသည်။
အဆိုပါ ဖိတ်ကြားမှုအပေါ် မြန်မာကုန်သွယ်မှုမြှင့်တင်ရေးအဖွဲ့၊ မြန်မာအပြည်ပြည်ဆိုင်ရာ ကုန်သွယ်မှုဗဟိုဌာနသည် စီးပွားရေးနှင့်ကူးသန်းရောင်း၀ယ်ရေး၀န်ကြီးဌာန၏ လမ်းညွှန်မှုဖြင့် မြန်မာနိုင်ငံရှိစီးပွားရေးလုပ်ငန်းရှင်များ ပါဝင်ယှဉ်ပြိုင်နိုင်ရန် ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်၊ မြန်မာနိုင်ငံကွန်ပျူတာလုပ်ငန်းရှင်များ အသင်း၊ မြန်မာနိုင်ငံလူငယ်စွန့်ဦးတီထွင်လုပ်ငန်းရှင်များအသင်းနှင့် KBZ Group of Companies တို့သို့ပါဝင်နိုင်ရန် အကြောင်းကြားခဲ့ပြီး ကိုးရီးယားသမ္မတနိုင်ငံဆိုင်ရာ ပြည်ထောင်စုသမ္မတ မြန်မာနိုင်ငံတော်သံရုံး၊ အာဆီယံ-ကိုရီးယားစင်တာတို့နှင့်လည်း အနီးကပ်ပူးပေါင်းဆောင်ရွက် ခဲ့ပါသည်။
မြန်မာနိုင်ငံအနေဖြင့် Regional Champion ၊ Entrepreneurs 4.0 ၊ Empowering Women နှင့် Up-and–coming Startups ၊ Regional Champion ၊ Entrepreneurs 4.0 နှင့် Empowering Women ကဏ္ဍတို့တွင် အာဆီယံ(၁၀)နိုင်ငံမှ လုပ်ငန်းရှင်များနှင့်အတူ ပါဝင်ယှဉ်ပြိုင် ရွေးချယ်ခံခဲ့ပါသည်။
5th ASEAN Entrepreneur Award 2020 အတွက် မြန်မာနိုင်ငံမှ ဒေါ်နန်းခမ်းနောင့် (Deputy CEO ၊ KBZ Group of Companies)သည် Empowering women ကဏ္ဍတွက် ရွေးချယ်ခြင်းခံခဲ့ရပြီး၊ ဆုပေးပွဲအား ၂၀၂၀ ပြည့်နှစ်၊ စက်တင်ဘာလ ၁၆ ရက်နေ့တွင် ဆိုးလ်မြို့ Shilla Hotel ၌ ကျင်းပပြုလုပ်မည်ဖြစ်ကြောင်းနှင့် ဆုပေးပွဲအခမ်းအနားကို COVID-19 ဆိုင်ရာ ကန့်သတ်ချက် အခြေအနေများကြောင့် ASEAN Entrepreneur Award ဆုရှင်များကို တောင်ကိုရီးယားသို့ ဖိတ်ကြားခြင်းမပြုနိုင်ဘဲ သက်ဆိုင်ရာအာဆီယံသံရုံးများမှကိုယ်စား တက်ရောက်၍ လက်ခံရယူ ပေးရမည်ဖြစ်ပြီး ဆုရရှိသူများအနေဖြင့် Video Message အားကြိုတင် ပေးပို့၍ Online မှ တက်ရောက်ရမည်ဖြစ်ပါကြောင်း ASEAN-Korea Center (AKC) မှသိရှိရပါသည်။
အဆိုပါ 5th ASEAN Entrepreneur Award တွင် အာဆီယံ (၁၀) နိုင်ငံမှ လုပ်ငန်းရှင်များ ဝင်ရောက်ယှဉ်ပြိုင်ကြပြီး မြန်မာ၊ အင်ဒိုနီးရှား၊ ဗီယမ်နမ်နိုင်ငံတို့မှ လုပ်ငန်းရှင် (၃) ဦးရွေးချယ် ချီးမြှင့်ခံရခြင်းဖြစ်ကြောင်း သတင်းရရှိပါသည်။
MITC News
