အွန်လိုင်းကုန်စည်ပြပွဲ၏ ပထမနေ့နှင့် ဒုတိယနေ့များတွင် စီးပွားရေး ဆွေးနွေးပွဲများ ကျင်းပလျှက်ရှိ

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ ကုန်သွယ်မှုမြှင့်တင်ရေးအဖွဲ့မှ ကြီးမှူး၍ Myanmar Online Expo Park  Platform တွင်ဩဂုတ်လ(၂၄)ရက်မှ (၃၀)ရက်နေ့ အထိ ကျင်းပပြုလုပ် လျှက်ရှိသည့်   Myanmar International Expo of Organic and Natural Products တွင်နိုင်ငံတကာမှ ဝယ်ယူသူများစိတ်ပါဝင်စားစွာ ဝင်ရောက်လေ့လာလျှက်ရှိ ပါသည်။ 

       အဆိုပါအွန်လိုင်းကုန်စည်ပြပွဲတွင် နိုင်ငံတကာမှဝယ်ယူသူများ၊ ကုန်သည်လုပ်ငန်းရှင်များက ပြခန်းများ သို့ ဝင်ရောက်၍ ပြသထားသောအရည်အသွေးရှိ ထုတ်ကုန်များကိုဝင်ရောက်ကြည့်ရှုခြင်း၊ သိရှိလိုသည်များကို မေးမြန်းဆွေးနွေးခြင်းများ ဆောင်ရွက်ခဲ့ရာပြပွဲပထမနေ့ဖြစ်သည့်(၂၄.၈.၂၀၂၀) ရက်နေ့တွင်ပြခန်း (၂၄) ခန်းသို့ နိုင်ငံတကာမှ ဝယ်ယူသူများဝင်ရောက် ဆွေးနွေးခဲ့ကြောင်းသိရှိရပါသည်။ ထို့အပြင်ပြပွဲဒုတိယနေ့ (၂၅.၈.၂၀၂၀)ရက်နေ့တွင် B2B Business Matching ပြုလုပ်ရန်မြန်မာကုမ္ပဏီ (၃) ခုဖြစ်သည့်  KM Moringa၊ Nay Thurein Star နှင့် Future Glory စသည့်ကုမ္ပဏီများကို စင်္ကာပူနှင့် အီတလီနိုင်ငံများမှ ချိန်းဆိုခဲ့ပြီး အောင်မြင်စွာ ဆွေးနွေးညှိနှိုင်းနိုင်ခဲ့ပါသည်။

      ၎င်း B2B Business Matching ရလဒ်များအရ စင်္ကာပူနိုင်ငံသို့ ရာသီပေါ်သစ်းသီးဝလံများဖြစ်သည့် သရက်သီး၊ ကျွဲကောသီးများကို တင်ပို့နိုင်ရေးနှင့် စင်္ကာပူနိုင်ငံ၏ ခရမ်းချဉ်သီးလိုအပ်ချက်ကို ဖြည့်တင်း ဝယ်ယူနိုင်ရေးသဘောတူညီမှုစာချုပ် ချုပ်ဆိုနိုင်ရေး ဆွေးနွေးညှိနှိုင်း နိုင်ခဲ့ကြောင်းသတင်းရရှိပါသည်။

  

မြန်မာအပြည်ပြည်ဆိုင်ရာကုန်သွယ်မှုဗဟိုဌာန