မြန်မာနိုင်ငံမှ သစ်သီးဝလံနှင့် ဟင်းသီးဟင်းရွက်များ စင်ကာပူဈေးကွက်သို့ ပိုမိုဝင်ရောက်နိုင်မည့် အလားအလာကောင်းများရှိ

မြန်မာနိုင်ငံမှ သစ်သီးဝလံနှင့် ဟင်းသီးဟင်းရွက်များ စင်ကာပူဈေးကွက်သို့ ပိုမိုဝင်ရောက်နိုင်မည့် အလားအလာကောင်းများရှိ

    စင်ကာပူနိုင်ငံသစ်သီးဝလံနှင့်ဟင်းသီးဟင်းရွက် တင်သွင်း/တင်ပို့သူများအသင်း(SFVIEA)သည် မြန်မာနိုင်ငံမှ သစ်သီးဝလံနှင့်ဟင်းသီးဟင်းရွက် တင်သွင်း/တင်ပို့နိုင်ရေးအတွက် အဓိကပံ့ပိုးကူညီပေး နေသောအသင်းဖြစ်ပါသည်။ လက်ရှိတွင် မြန်မာနိုင်ငံမှ စိန်တလုံးသရက်သီးတစ်မျိုးတည်းကိုသာ အဓိကတင်သွင်းလျက်ရှိပါသည်။ စင်ကာပူနိုင်ငံသို့  မြန်မာ့သစ်သီးဝလံနှင့် ဟင်းသီးဟင်းရွက်များ တင်ပို့နိုင်ရန် အောက်ပါအချက်များနှင့် ပြည့်စုံရန် လိုအပ်ပါသည် -
(က)    ကုန်စည်များလန်းဆန်းနေမှုကိုထိန်းသိမ်းထားနိုင်ရန်အတွက် မတင်ပို့မီသိုလှောင်ထားနိုင်မှု၊ တင်ပို့စဉ် ထုပ်ပိုးမှုစနစ် ကောင်းမွန်မှုရှိရေးအရေးကြီးပါသည်။
(ခ )    စင်ကာပူစားသောက်ကုန်ဆိုင်ရာအေဂျင်စီ(Singapore Food Agency SFA)သည် သစ်သီးဝလံနှင့် ဟင်းသီးဟင်းရွက်များတင်သွင်းမှုအပေါ် တင်းကြပ်သည့် စည်းမျဉ်းများချမှတ်ထားခြင်းမရှိပါ။
(ဂ )    GAP နှင့် HACCPအသိအမှတ်ပြု လက်မှတ်များမရှိသော်လည်း မြန်မာနိုင်ငံအနေဖြင့် တင်သွင်း နိုင်ပါသည်။
(ဃ)    Joint FAO/ WHO Codex AlimentariusCommission  မှ သတ်မှတ်ထားသည့် ပိုးသတ်ဆေးနှင့် အဆိပ်ဖြစ်စေသောဓါတုဆေးအကြွင်းအကျန်များပါဝင်မှု သတ်မှတ်ချက်ထက် ကျော်လွန်ခြင်းရှိ၊ မရှိစစ်ဆေးမှုသာပြုလုပ်ပါသည်။
        SFA သည် Enterprise Singaporeနှင့် ပူးပေါင်းစီစဉ်၍ စင်ကာပူသစ်သီးဝလံနှင့် ဟင်းသီးဟင်းရွက် တင်သွင်း/တင်ပို့သူများလိုက်ပါသည့် Sourcing Mission များကိုအချို့နိုင်ငံများသို့ စေလွှတ်လျက်ရှိပါသည်။ ၂၀၁၉ ခုနှစ်တွင် ဗီယက်နမ်၊ ထိုင်းနှင့် ဖိလစ်ပိုင် နိုင်ငံများသို့ သွားရောက်လေ့လာခဲ့ပြီး၊ ၂၀၂၀ ခုနှစ်အစောပိုင်းတွင် မြန်မာ နိုင်ငံသို့သွားရောက် လေ့လာနိုင်ရန် အစီအစဉ်ရှိသောကြောင့် မြန်မာနိုင်ငံမှ သစ်သီးဝလံနှင့် ဟင်းသီးဟင်းရွက်စိုက်ပျိုးထုတ်လုပ်တင်ပို့ရောင်းချသူကုန်သည်လုပ်ငန်းရှင်များအနေဖြင့် ဈေးကွက်ဝင်ရောက်နိုင်မည့် အလားအလာများကိုလက်လွတ်မခံဘဲ ကြိုတင်ပြင်ဆင်ထားသင့်ကြောင်း သတင်းရရှိပါသည်။
                                                                                                                         ထိန်လင်း (MITC)