ထိုင်းနိုင်ငံသည် ပြည်ပဆန်တင်ပို့မှုကို ကန့်သတ်မည်မဟုတ်ဘဲ စောင့်ကြည့်လေ့လာသွားမည်

       COVID - 19 ကပ်ရောဂါကြောင့် ဆန်တင်ပို့သည့် အဓိက နိုင်ငံများဖြစ်သည့် အိန္ဒိယ၊ တရုတ်၊ ဗီယက်နမ်တို့ ပြည်တွင်း စားနပ်ရိက္ခာဖူလုံရေးအတွက် ပြည်ပဆန်တင်ပို့မှု ရပ်ဆိုင်း ထားချိန်တွင် ထိုင်းနိုင်ငံ အနေဖြင့် ပြည်ပဆန်တင်ပို့မှု ကန့်သတ်ရန် အစီအစဉ်မရှိကြောင်းနှင့် ဆန်ဈေးကွက် အခြေအနေကို စောင့်ကြည့်လေ့လာ သုံးသပ်လျှက်ရှိကြောင်း ထိုင်းနိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်မှုမူဝါဒနှင့် မဟာဗျူဟာဌာန ညွှန်ကြားရေးမှူးချုပ်မှ ပြောကြားခဲ့သည်။

       ထိုင်နိုင်ငံတွင်ပြည်တွင်းဆန်စပါးစားသုံးမှုသည် ထုတ်လုပ်မှု၏၅၀%သာရှိပြီး ပြည်ပသို့ဆန်တင်ပို့မှုသည် ထုတ်လုပ်မှု၏ ၃၂%ဖြစ်သောကြောင့် ထိုင်နိုင်ငံအနေဖြင့် ဆန်တင်ပို့မှုကြောင့် ပြည်တွင်းဆန်ပြတ်လပ်မှု မဖြစ်နိုင်ကြောင်း၊ ကျန်ဆန်များကိုသိုလှောင်ထားပြီး နောက်ထပ်စပါးရိတ်သိမ်းရာသီအထိ (၆)လစာ ဖူလုံကြာင်း ၎င်းကထည့်သွင်းပြေြာ ကားခဲ့သည်။

       ထိုင်နိုင်ငံသည် ယခုနှစ်အတွက်ပြည်ပသို့ဆန် တန်ချိန်၇-၈သန်းအထိတင်ပို့သွားရန်ရှိသည်။ COVID - 19 ဖြစ်ပေါ်မှုကြောင့် ကမ္ဘာ့ဆန်လိုအပ်ချက် မြင့်တက်ခဲ့ပြီး ယခုနှစ်အစောပိုင်းတွင် ဆန်ဈေး အမေရိကန်ဒါ်လာ ၃၀-၅၀ အထိမြင့်တက်ခဲ့ကြောင်း သတင်းရရှိပါသည်။

Source - ဦးလွင်မျိုးဇော်၊ စီးပွားရေးသံမှူး၊ မြန်မာသံရုံးဘန်ကောက်မြို့                          

                                                                                                                  MITC News