ဂျပန်နိုင်ငံ၊ Osaka မြို့တွင် ၂၀၂၅ ခုနှစ်၊ ဧပြီလ ၁၃ ရက်နေ့မှ အောက်တိုဘာလ ၁၃ ရက် နေ့အထိ “World Exposition 2025” ပြပွဲကို (၆)လကြာ ကျင်းပပြုလုပ် သွားမည် ဖြစ်ရာ ပြပွဲသို့ မြန်မာနိုင်ငံမှ ပါဝင်နိုင်ရန် ရန်ကုန်မြို့ရှိ ဂျပန်နိုင်ငံသံရုံးမှ ဖိတ်ကြားလာ ပါသည်။
ပြပွဲ၏ Theme ဆောင်ပုဒ်မှာ“Designing Future Society for Our Lives” (ကိုယ်ပိုင်ဘဝများ ဖန်တီးနိုင်ရေးအတွက် အနာဂတ်လူ့အဖွဲ့အစည်းကို တည်ဆောက်ကြပါစို့)ဖြစ်ပြီး Sub-themes (၃)ခုမှာ လူမှု့ဘဝများရှင်သန်းရေး (Saving Lives)၊ ကိုယ်ပိုင်ဘဝများဖန်တီးနိုင်ရေး (Empowering Lives)၊ လူသား အချင်းချင်းချိတ်ဆက်ညှိနှိုင်းရေး (Connecting Lives) တို့ဖြစ်ပါသည်။
ကမ္ဘာ့ကုန်စည်ပြပွဲများကို (၅)နှစ်တစ်ကြိမ်ကျင်းပလျှက်ရှိရာ အီတလီနိုင်ငံ၊ မီလန်မြို့တွင် World Expo အား၂၀၁၅ခုနှစ်တွင် ကျင်းပခဲ့ပါသည်။ အာရပ်စော်ဘွားများနိုင်ငံ၊ ဒူဘိုင်းမြို့တွင် World Expo အား ၂၀၂၀ခုနှစ်တွင်ကျင်းပရန် လျာထားခဲ့သော်လည်း ကမ္ဘာလုံးဆိုင်ရာ Covid-19 ကြောင့် ၂၀၂၁ခုနှစ်တွင် ကျင်းပရန် ပြောင်းရွှေ့စီစဉ်ခဲ့ပါသည်။ ဂျပန်နိုင်ငံ၊ Osaka မြို့တွင် “World Exposition 2025”အား ၂၀၂၅ ခုနှစ်တွင် ကျင်းပမည်ဖြစ်ရာ အဆိုပါပြပွဲများသို့ မြန်မာနိုင်ငံမှစီးပွားရေးလုပ်ငန်းရှင်များ ပါဝင်ပြသနိုင်ရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ စီစဉ်ဆောင်ရွက်သွားမည်ဖြစ်ပါသည်။
World Exposition 2025 သို့ မြန်မာနိုင်ငံမှ စီးပွားရေးလုပ်ငန်းရှင်များ ပါဝင်ပြသခြင်းဖြင့် မိမိတို့၏ ထုတ်ကုန်များကို ပြည်တွင်းဈေးကွက်သာမက ကမ္ဘာ့ဈေးကွက်များသို့ ထိုးဖောက်ဝင်ရောက်နိုင်မည့် အခွင့်အလမ်းများ ရရှိနိုင်မည်ဖြစ်သဖြင့် မြန်မာကုန်သည်လုပ်ငန်းရှင်များ အနေဖြင့် ကြိုတင်ပြင်ဆင်ထားရှိ ပါရန် အသိပေးအပ်ပါသည်။
ဥမ္မာကြူ(MITC)